Қазақстан халықаралық турнирді жеңіспен бастады
Минскідегі жарқын бастама!
Қазақстан Ұлттық құрамасының шабандозы Олег Соколенко 140 см биіктіктегі біліктілік маршрутының жеңімпазы атанып, мықты қарсыластарын сенімді түрде артта қалдырды.
Шешуші сәт маршруттың екінші кезеңінде болды. Олег бұл кезеңді мінсіз орындап, 33,25 секундта мәреге жетті — бұл жарыстағы ең үздік нәтиже! Жылдамдық, шеберлік, салқынқандылық пен барынша жинақылық Қазақстанға халықаралық аренадағы алғашқы жарқын жеңісті сыйлады.
Конкурдан өтіп жатқан халықаралық турнирде еліміздің намысын Ұлттық құрама спортшылары Олег Соколенко мен Раиса Соколенко қорғап, қазақстандық ат спорты мектебінің жоғары деңгейін көрсетуде.
Бұл жеңіс — жай ғана бірінші орын емес. Бұл — қазақстандық шабандоздардың әлемнің мықтыларымен бәсекеге түсіп, ірі халықаралық додаларда жеңіске жетуге дайын екенінің айқын дәлелі.
Олег Соколенконы лайықты жеңісімен құттықтаймыз! Бұл жетістік Қазақстан туы астындағы жаңа жарқын жеңістер сериясының бастауы болсын!