Астанада CDI FEI Dressage турнирінің GRAND PRIX жарысы өтті

Астанада CDI 1-3 FEI Dressage** халықаралық турнирі аясында GRAND PRIX «BANK CENTER CREDIT CUP» жарысы өтті.

Grand Prix бағдарламасы жарыс күніндегі негізгі сындардың бірі болды. Манежде атпен мәнерлеп жүру бағытының ең мықты қатысушылары өнер көрсетті. Бұл бағдарламада әр элементтің дәлдігі, қимылдың мәнерлілігі, ырғақтың тұрақтылығы және спортшы мен ат арасындағы үйлесім ерекше бағаланады.

Төрешілер бағдарламаның техникалық орындалуын, артистизмді, тізгінді жұмсақ басқаруды және жалпы әсерін саралады. Grand Prix атпен мәнерлеп жүрудің биік мәдениетін тағы бір мәрте көрсетті: мұнда күш сабыр арқылы, ал шеберлік дәлдік арқылы танылады.

Жарыс нәтижесі:

🥇 1-орын – Alina SHEVSOVA (ZAMPERONI) – 60.739%

🥈 2-орын – Ekaterina KARKAVTSEVA (BOTSMAN) – 58.630%

🥉 3-орын – Olga SIMONOVA (RANDY)

Айта кетейік, қазақстандық спортшы Olga SIMONOVA RANDY атты серігімен үздік үштіктен көрініп, 3-орын иеленді.