Наурыз мерекесі құтты болсын!

Құрметті қазақстандықтар, ат спортының жанашырлары!

Сіздерді шын жүректен Наурыз мерекесімен құттықтаймын!

Наурыз — жаңару мен бірліктің, жаңа бастамалардың символы. Бұл мейрам ата-бабаларымыздың дәстүрі мен құндылықтарын дәріптейді, халықтың ынтымағын нығайтады, жақсылық жасауға шабыт береді.

Ат спорты — ұлттық мәдениетіміздің ажырамас бөлігі. Өмірі жылқымен және қазақ даласының кеңдігімен біте қайнасқан бабалар жолын жалғастыру — біз үшін үлкен мәртебе.

Осы жарқын мерекеде сіздерге зор денсаулық, отбастарыңызға амандық, табыс пен өркендеу тілеймін!

Наурыз әр шаңыраққа бақыт пен береке әкелсін!

Рустам Баялиев,
ҚР Ат спорты федерациясының Президенті