Қазақстандық ат спортының болашағы Астанада айқындалады
2026 жылғы 25–27 шілде аралығында Астанадағы «Арғымақ» спорттық ат-спорт кешенінде 4–7 жастағы жас жылқылар арасындағы конкурден Қазақстан Республикасының чемпионаты өтеді. Бұл – еліміздің үздік жас спорттық жылқыларын анықтайтын және Қазақстан ұлттық құрамасының болашағын қалыптастырудағы маңызды жарыс.
Чемпионатқа еліміздің барлық өңірлерінен келген үздік спорттық жұптар қатысады. Жарыс алаңына 4–7 жастағы жас жылқылар шығып, өздерінің дайындығын, техникасын, төзімділігі мен жоғары деңгейдегі жарыстарға әзірлігін көрсетеді. Осындай жарыстар болашақ халықаралық жетістіктердің негізін қалайды.
Турнирді Қазақстан Республикасы Ат спорты федерациясы Қазақстан Республикасы Туризм және спорт министрлігінің Спорт және дене шынықтыру істері комитеті мен «Спортты дамыту дирекциясы» мемлекеттік коммуналдық қазыналық кәсіпорнының қолдауымен ұйымдастырады. Жарыс FEI халықаралық ережелеріне сәйкес өткізіліп, жоғары ұйымдастыру деңгейін, төрешіліктің әділдігін және жылқылардың әл-ауқатына қойылатын халықаралық талаптардың сақталуын қамтамасыз етеді.
Жас жылқыларды дамыту – қазақстандық ат спортының болашағына салынған стратегиялық инвестиция. Чемпионат үздіктерді анықтап қана қоймай, спортшылардың, жаттықтырушылардың, төрешілердің және сала мамандарының кәсіби деңгейін арттыруға, сондай-ақ жастар мен қалың жұртшылық арасында ат спортын кеңінен насихаттауға ықпал етеді.
Өтетін күні: 2026 жылғы 25–27 шілде
Өтетін орны: «Арғымақ» спорттық ат-спорт кешені, Астана қаласы, Қарқаралы көшесі, 1.